DAVAO ORIENTAL– Nakapalit og gituohang shabu nga nagkantidad og ₱1,000 ang poseur buyer nga ahente sa PDEA gikan sa suspetsadong si alyas “Panda” atol sa usa ka buy-bust operation sa PDEA-Davao Oriental, kauban ang RIU-XI, Davao Oriental Police Provincial Office, ug Mati City Police Station.
Gisugdan ang operasyon bandang alas 5:05 sa buntag sa Nobyembre 27, 2025, sa Purok Sampaguita, Barangay Central, Mati City, Davao Oriental, sumala sa report sa PDEA-XI.
Sa pagkaaresto sa suspetsado, nakumpiska gikan kaniya ang lima ka binugkot sa plastic cellophane nga adunay sulod nga gituohang shabu, gibana-bana og tunga ka kilo, nga nagkantidad og ₱3.4 milyon.
Napriso na karon ang suspetsado, nga giila sa PDEA nga usa ka high-value target sa illegal nga droga sa rehiyon. (Camille Santos Naraga)(Source: Contributed)