Patay ang duha ka lalaki human sa aksidente nga nahitabo sa Manggahan, Barangay San Roque, Digos City, niadtong Hunyo 1 sa hapon.
Gikilala ang mga biktima nga sila si alyas Mike, 21-anyos, usa ka backhoe operator, ug si alyas Jay, 23-anyos, usa ka construction worker.
Base sa inisyal nga imbestigasyon sa kapulisan, nagsakay sa motorsiklo ang duha nga biktima nga gimaneho ni alyas Mike. Sa ilang pagbiyahe, nabangga nila ang usa ka Wrangler jeep nga gimaneho ni alyas Roy, 44-anyos, residente usab sa Barangay San Roque.
Tungod sa kakusog sa impact, nalagpot ang duha ka sakay sa motorsiklo ug didto mismo nanga-matay sa lugar.
Padayon ang imbestigasyon sa mga otoridad aron masuta ang hinungdan sa insidente ug kung adunay bayolasyon nga nahimo sa mga nalambigit.(Camille Santos Naraga)(Source: DCPO)