DAVAO CITY – Patay ang duha ka bodyguard sa negosyanteng si Ramon Floresta human makigpinusilay sa mga otoridad nga nagsilbi og search warrant sa iyang balay sa Brgy. Bulakanon, Makilala, Huwebes sa kadlawon, Agosto 14.
Gipangulohan sa CPPO ug Makilala PNP ang operasyon batok sa ilegal nga armas. Nasayran nga pulos mga miyembro sa AFP ang mga napatay.
Narekober ang Glock 23 pistol, M16 rifle, ug lain pang mga bala ug magasin. Gilimod ni Floresta nga iya kini ug karon anaa siya sa kustodiya sa Makilala Police, atubang sa kaso ilawom sa RA 10591. (Camille Santos Naraga)(Source: Contributed)