Nagkahiusa ang 11 ka ethnolinguistic tribes sa Davao City sa pagpahibalo sa ilang panawagan alang sa respeto, dignidad, pagkamabination, ug kalinaw.
Gipasiugda sa mga cultural communities ang lig-on nga panaghiusa tali sa Moro ug Indigenous Peoples communities sa siyudad, ilabi na sa pagpanalipod sa dignidad ug katungod sa matag usa.
Matud pa sa mga grupo, walay lugar sa Davao City ang pagpakaulaw, mapintas nga mga pulong, ug bullying, tungod kay ang tinuod nga garbo ug dungog dili kinahanglan ipakita pinaagi sa pagdaot o pagpaubos sa uban.
Gidasig usab nila ang tanang Dabawenyo nga ipadayon ang mga mithi sa respeto ug panaghiusa pinaagi sa paggamit og mga pulong ug pagbuhat og mga aksyon nga makapaayo, makapalig-on, ug makapahiusa sa komunidad.
Gipasiugda sa 11 ka cultural communities nga ang kalinaw ug panaghiusa magsugod sa pagrespeto sa dignidad sa matag miyembro sa komunidad.(Camille Santos Naraga)(Source: Davao City Muslim Affairs Office)