Misugod na ang dakong selebrasyon sa Kadayawan sa Davao diin gipuno sa makusog nga musika, hayag nga mga kolor, ug dinamikong mga pasundayag ang San Pedro Square ug ang mga kasikbit nga dalan sa sentro sa Davao City.
Pinaagi sa Pamulak ug Indak-Indak, gipakita sa nagkalain-laing contingents ang ilang talento, kultura, ug pagkamamugnaon samtang ilang gidala sa kadalanan ang buhi nga espiritu sa Kadayawan.
Misamot ang kasadya sa mga manan-aw samtang gisubay nila ang mga pasundayag nga nagpakita sa garbo sa kultura ug panaghiusa sa mga Dabawenyo.
Usa kini sa mga dagkong kalihokan nga nagtimaan sa selebrasyon sa Kadayawan, nga nagsimbolo sa pagpasalamat, panaghiusa, ug pagpasigarbo sa adunahang kultura sa Davao.(Camille Santos Naraga)(Source: Kadayawan sa Davao)