DAVAO CITY – Patay ang usa ka Grade 7 student human gipusil patay sa Barangay Bolila, Malita, Davao Occidental, Sabado sa buntag.
Sumala ni Police Lt. Col. Mark Donald Edquibal, hepe sa Malita Municipal Police Station, ang biktima usa ka 14 anyos .
Base sa inisyal nga imbestigasyon sa kapolisan, nagbaktas ang biktima dihang kalit nga miduol ang wala pa mailhing lalaki ug gipusil ang batan-on sa ulo ug dughan hinungdan sa iyahang hinanaling kamatayon.
Misibat ang suspek gamit ang usa ka unit sa motorsiklo sa wala pa matino nga direksyon.