DAVAO CITY – Nasikop sa joint buy-bust operation kagabii, November 27, 2025, ang usa ka barangay official sa Mabini, Davao de Oro, didto sa Purok 4, Barangay Pangibiran.
Gipahigayon sa PDEA Regional Office 11 kauban ang Provincial Drug Enforcement Unit sa Davao de Oro Police Provincial Office ug Mabini Municipal Police Station ang operasyon nga miresulta sa pagkadakop sa opisyal nga giila sa alyas βChardix,β 42-anyos.
Nasapnan ang suspek nga namaligya og usa ka sachet sa gituohang shabu, mitimbang og 5 grams ug gibana-banang kantidad og β±47,000, ngadto sa undercover agent nga nagsilbi isip poseur buyer.
Sa follow-up search, nakumpiska usab ang upat ka heat-sealed sachets nga adunay sulod nga shabu nga mitimbang og 28 grams ug mibalor og mga β±265,000, lakip ang marked money.
Gidala na sa custodial facility ang suspek ug gipaningkamutan nga pasakaan og kaso ubos sa Republic Act 9165 o Comprehensive Dangerous Drugs Act of 2002.(Camille Santos NAraga)(Source: Contributed)