Gibisita ni SFO1 Garry L Lugo ubos sa pagdumala ni FINSP Richard A Parame sa Katipunan Municipal Fire Station ang Basagan Elementary School niadtong Nobyembre 28, 2025, aron masuta ang kahimtang sa mga estudyanteng napili ilawom sa “Adopt a Scholar” Program sa BFP Katipunan.
Gihatagan og gamay’ng token o pahalipay ang Grade 4 student nga si Mark Huey Lumbos Catubay ug Grade 3 student nga si Jyzel Ochotorena Nobresala aron makatabang sa ilang pag-eskwela. Ang programa nagpakita sa kanunayng pag-alagad sa BFP dili lang sa emerhensiya, apan apil usab sa pagtabang sa kabatan-onan nga nagtinguha makatapos sa pagtuon.
Gipadayag sa BFP Katipunan nga padayon nilang suportahan ang mga batan-ong iskolar aron mapalambo ang ilang kaugmaon ug mahimong responsable nga indibidwal sa komunidad.(JENIFFER JR. DELICA)
Source: BFP R9 Katipunan Fire Station