DAVAO DE ORO — Nakabenepisyo ang mga jobseeker ug manggagawa sa Davao de Oro sa nagkalain-laing programa sa Department of Labor and Employment (DOLE) XI atol sa Handog ng Pangulo nga kalihokan sa Nabunturan.
Gipahigayon sa Nabunturan National Comprehensive High School ang mga serbisyo nga naglakip sa Trabaho Agad Job Fair, TUPAD payout, ug livelihood assistance alang sa mga kwalipikadong benepisyaryo.
Pinaagi sa job fair, gihatagan og higayon ang mga aplikante nga direktang makig-interact ug maka-apply sa mga posisyon nga gitanyag sa mga participating employers.
Samtang, gipadayon usab ang paghatag sa TUPAD assistance ug livelihood grants aron makatabang sa mga manggagawa ug benepisyaryo sa ilang panginabuhian.
Mitambong ug nanguna sa kalihokan sila DOLE Assistant Secretary Loreto B. Acharon ug DOLE XI Regional Director Atty. Dax B. Villaruel.
Kabahin kini sa paningkamot sa gobyerno nga mapaduol ang mga serbisyo, trabaho, ug panginabuhian ngadto sa mga komunidad, ilabina sa mga nanginahanglan og suporta.(Camille Santos Naraga)(Source: DOLE XI – Davao City Field Office)