DAVAO CITY – “Not guilty” ang pormal nga tubag ni Vice President Sara Z. Duterte sa mga impeachment complaints nga gisang-at batok kaniya sa Senate Impeachment Court.
Sa iyang tubag nga ad cautelam, gipangayo sa kampo ni VP Sara sa Senado nga ibasura ang ika-upat nga reklamo sa impeachment, tungod kay wala kini nalambigit sa bisan unsang impeachable offense.
Gipangayo sab sa iyang legal team nga unaon sa Senado ang pagresolba sa ilang mga legal nga depensa, sa dili pa magsugod ang pormal nga trial.
Sa pagkakaron, naghulat pa ang publiko sa magiging desisyon sa Senado kung ipadayon ba ang pormal nga paglilitis o ibasura ang mga reklamo batok sa bise presidente.(Camille Santos Naraga)(Source: Contributed)