Pormal nga gibuksan ang usa ka pasilidad nga makatabang sa pnginabuhian sa mga mag-uuma nga nagbuhi og mga kabaw nga mao ang Dapitan Dairy Box nahimutang didto sa DAMPA sakop sa dakbayan sa Dapitan kaniadtong Sabado sa hapon.
Gibutyag ni City Agriculturist Cyril Patangan nga hinay-hinay nang nahatagan og katumanan ang mga buot ipalambo sa syudad mao ang upat ka mga letra nga C mao ang Cassava, Cacao, Crabs ug karun ang Carabao diin maoy hinungdan nga natukod ang Dapitan Dairy Box aron iproseso ang mga gatas nga makuha gikan sa mga buffalo o kabaw.
Nagpasalamat si Dr. Cecilio Velez, Philippine Carabao Center sa mga namunuan sa Dapitan kinsa adunay dakong panglantaw unsaon pagtabang ang mga mag-uuma diin dako kini nga importansiya alang sa ilang panginabuhian.
Kini mao ang kagamhanang lokal pinaagi ni Mayor Nene Jalosjos, ang paningkamot ni Cong. KuyaJon Jalosjos nga makakuha og pundo gikan kang Senador Cynthia Villar nga makapabarog niini nga programa sulod sa Dapitan, suporta sa konseho pinaagi na sa chairman sa komitiba sa panguma nga si Konsehal Hope Jarapan, ug sa tanan nga nihatag og suporta aron matuman ang nasangpit nga proyekto.
Gipaabot usab ni Konsehal Popoy Mah ang mensahe sa mayor kinsa naghatag og pagdasig sa mga mag-uuma sa makanunayon nga pagtugyan sa igong importansiya ug pag-amuma aron molungtad ang Dairy Buffalo Production.
Si Cong. KuyaJon Jalosjos ang mapasaligon nga namahayag diha sa pagpahimutang sa Cacao Processing Plant isip suporta sa mga cacao farmers aron makabaton ang syudad sa kaugalingon nga produksyon sa tsokolate nga makahatag og dugang panginabuhian sa mga katawhan.
Mihatag usab sa hugtanon nga suporta ang Schools Division Dapitan City pinaagi ni Mr. Germanico Malacat, Mr. Germanico Page Chairman Antipolo Primary Multi-Purpose Agricultural Cooperative (PMAC), Konsehal Bing Balisado, ABC President Felix Tacbaya ug uban pa.
(Source: CITY INFORMATION DIVISION-CID-Dapitan)