Nakig-uban ang Dapitan City Police Station (CPS) sa Oro Integrated School alang sa pagpatuman sa usa ka Active Shooting Drill nga nagtumong sa pagpalig-on sa kahandam sa komunidad sa eskwelahan panahon sa emerhensiya.
Girepresentahan sa maong kalihokan ni PSSg Manuel A. Projo III ang Dapitan CPS, diin gihatagan og mga pahimangno ug giya ang mga estudyante ug school personnel bahin sa angay buhaton kung adunay insidente nga naghulga sa ilang kaluwasan.
Lakip sa mga hisgutan ang hustong mga lakang sa panahon sa active shooting incident, emergency procedures, ug uban pang importanteng aspeto sa school safety ug security.
Gipunting usab ang mga posibleng hinungdan o sitwasyon nga mahimong makaapekto sa pamatasan sa mga estudyante ug mahimong mosangpot sa paglapas, isip kabahin sa pagpasiugda sa awareness ug prevention sulod sa eskwelahan.
Pinaagi sa maong kalihokan, gipalig-on ang koordinasyon tali sa kapulisan ug sa school community aron mas maandam ang mga estudyante ug personnel sa husto ug organisadong pagtubag sa mga emerhensiya.(IKEN B. GULLEM)
Source: PNP Dapitan City Police Station