Ang Chairman sa House committee on constitutional amendments nga si Cong. Rufus Rodriguez mipamatuod nga daghang katawhan sa Cagayan de Oro ang uyon nga usbon ang unitary-centralize system sa panggobierno ngadto na sa federal system tungod kay nagpasabot kini sa pagpalambo sa lagyong dapit sa nasud.
Kini ang pamahayag sa representative sa ikaduhang distrito ning syudad tapos gipahigayon ang usa ka public consultation sa University of Science and Technologyy of Southern Philippines (USTP) gym niini nga weekend.
Si Rodriguez nagtuo nga bisan duha ka tuig ug tunga na lamang ang nahabilin niini nga administrasyon, masaligon gahapon siya nga makab-ot kini nga kausaban.
Target niya Dec 11 aprobahan sa house committee ang nasangpit nga proposed amendments ug sa plenary sa Enero 2020. Pag-abot sa Pebrero makaabot na kini sa Senado.
Gidugang pagsulti ni Rodriguez nga liboan ka mga tawo ang nanambong sa pinakaunang public consultation niini nga hisgutanan sa gawas sa Metro Manila.
Si Cong. Rodriguez ug maoy namuno sa public consultation dinhi sa Cagayan de Oro nag-ingon nga pinaagi sa pagbukas sa Constitution ngadto na sa amendments makahimo na unya sap ag-usab sa federal form of government nga dili imposible sa nahibiling tuig sa Duterte administration.
Pipila sa mga congresista nga mitambong sa maong public hearing mao sila sa Reps. Ruwel Peter Gonzaga sa 2nd District sa Compostela Valley, Adullah Dimaporo sa 2nd District sa Lanao Del Norte, House Deputy Minority Leader Carlos Isagani Zarate sa Bayan Muna, Alyssa Sheena Tan sa 4th District sa Isabella.
Nakatambong usab sila Garry Olivar ug Prof. Ramon Casipli, representante sa Center for Federalismo and Constitutional Reform.