Pinalawig pa ng Department of Agriculture (DA) ang umiiral na price freeze para sa piling produktong pag-agrikultura at iba pang pagkain.
Ito ay bunsod pa rin ng umiiral na enhanced community quarantine (ECQ) sa Luzon dahil sa coronavirus disease 2019 (COVID-19).
Batay sa nilagdaang kautusan ni Agriculture Sec. William Dar, ang hakbang na ito ay upang mapanatili sa tamang presyo ang mga pangunahing bilihin, sa harap na rin ng krisis na kinahaharap ng bansa.
Sakop din ng nabanggit na kautusana ang pagtatakda ng suggested retail price (SRP) sa mga sumusunod na produkto:
         NFA rice- 27 pesos kada kilo
         Imported na bigas- P39.00 hangang P51.00 kada kilo
         Local na bigas- P33.00 hanggang P53.00 kada kilo
         Mantika- P50.00kada litro
         Manok – P130.00 kada kilo
         Baboy(liempo) – 225 pesos kada kilo
         Itlog – P6.00 kada piraso
         Bangus- P162.00 kada kilo
         Galungong- P130.00 kada kilo