Cebu City- Giangkon sa acting head sa City Social Welfare Office o CSWO, Annabeth Cuizon, nga usa siya sa mga nagpositibo sa coronavirus disease o Covid 19.
Ang iyang pag-angkon gipaagi ni Cuizon sa post sa social media pagka Sabado sa buntag.
Sumala pa ni Cuizon, napugos siya paggawas aron paghangyoog pagsabot sa publiko ug pagpanalipod sa ubang pasyente sa Covid 19 gikan sa deskriminasyon.
Si Cuizon, nga kapikas ni Direktor Ahmed Cuizon sa Land Transportation Franchising & Regulatory Board o LTFRB 3, naghilak nga mitug-an nga ang uban niyang mga kauban sa opisina mipadayag og kahadlok nga ang nakapaduol kaniya mataptan usab sa virus.
Tungod sa iyang nasinati, nabalaka si Cuizon kon unsay mahitabo kaniya kon makagawas siya sa ospital.
Midugang ang opisyal nga ang iya lang gihangyo nga dili lang unta sila i-descriminate ug sabton lang ang ilang gidangatan tungod kay sila mga front-liner man.
Ug aron napanalipdan ang mga pasyente sa Covid 19, giawhag ni Cuizon ang konseho ug ilang katugbang sa ubang bahin sa probinsiya nga mopanday og balaod nga manalipod kanila batok sa deskriminasyon.