34.7 C
Manila
Thursday, March 28, 2024

Covid-19 Testing Centers Gimandoan Paghatag Sa Swab Results Sulod Sa 24 Oras

- Advertisement -

Alang sa paspas ug haom nga pagtubag sa mga nataptan sa COVID 19, usa ka executive order ang gipirmahan ni Mayor Oscar Moreno nga nagmando sa tanang laboratory ug testing centers sa Cagayan de Oro sa paghatag gilayon sa mga resulta ug detalye sa indibidwal nga mipailawom sa swab testing.

Nalatid sa Executive Order No. 099 nga kinahanglan mohatag sa kompletong detalye ang mopailawom sa swab test ug ipasabot ang kamahinungdanon niini sa tinguha nga masunod ang paningkamot ug istriktong pagpatuman sa protocol sa prevention, detection, isolation, treatment and rehabilitation strategies aron masumpo ang pagkuyanap sa virus.

Lakip sa kamandoan ang paghatag gilayon sa mga testing facilities sa resulta sulod sa 24 oras sa City Health Office (CHO), ug kung makasupak niini, mahimong mapahamtangan sa closure order ug cancellation sa business permits pinaagi sa pag-abag sa City Administrator’s Office, Regulatory Compliance Board, Joint Inspection Team ug Cagayan de Oro Police Office.

Mahimo usab mapasakaan og kaso pinaagi sa City Legal Office ang mga makasupak sa maong kamandoan.

Kahinumdoman nga una nang gihangyo sa CHO pinaagi ni Dr. Teodoro Yu Jr., ang pagsubmitar gilayon sa swab results aron ma-aksyonan gilayon ang mga positive patients ug mapugngan ang pagkuyanap sa virus sa panimalay ug mga buhatan.

(Source: Cagayan de Oro City Information Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -