Human sa kapin sa usa ka bulan nga pakigkumbati ni Covid-19 Patient 003 gikan sa iyang pagka-admit sa hospital ug isolation facility sa Dipolog Sports Center sa Olingan gumikan sa iyang pagkatakud sa COVID 19, nakagawas na gayud kini kaniadtong Hulyo 29 gumikan kay gideklarar na kini sa mga doctor nga naka recover na sa corona virus disease o COVID-19.
Kahibaloan nga si Covid -19 Patient 003 usa ka crew member sa medallion ug residente sa Salug, Zamboanga Del Norte ug walay ‘history of arrival’ sa Salug, ang nakitaan ug ‘mild symptoms’ sa COVID 19 kaniadtong Hunyo 9 ug dali kining gidala ngadto sa Corazon Aquino Hospital Isolation Unit alang sa pagpng atambal.
Ikatulo siya mipa-ilawom ug swab test; niadtong Hunyo 15, Hunyo 24, ug Hulyo 6, ug puros positibo ang resulta sa iyang test. Human nag-“improve” ang iyang kondisyon sa hospital, gidala siya ngadto sa Isolation Facility sa Dipolog Sports Center.
Sa gihimong ika- 4th ‘swab test niini kaniadtong Hulyo 20, migawas nga resulta nga nagnegatibo na siya sa COVID 19 kaniadtong Hulyo 28, ning tuiga.
Atol sa gihimong ‘sendoff ceremony’ kang Covid-19 Patient 003, mipabati sa ilang dakong kalipay ang mga “frontliners” tungod kay sa dugay nga panahon nga pag-recover ni Patient 003 nakauli na kini didto sa iyang lugar sa Lungsod sa Salug ug makauban na kini sa iyang pamilya ug mga higala diin sa nasayran mismo sa mga frontliners o nurses sa maong isolation facility nga si Patient 003 ang gimingaw na kaayo sa iyang pamilya.
Sa kabahin usab ni Patient 003, malipayun niyang gipabati ang iyang dakung pasalamat ug pagdayeg ngadto sa mga frontliners nga nag-atiman kaniya tungod sa ilang gipakitang “commitment” sa ilang trabaho ug kaayu nga nakahatag kaniya ug inspirasyon nga mo-kooperar sa panahon nga siya gitambalan.
(OIC Lyza Bautista, RPN DXKD Dipolog)