Negatibo gihapon ang syudad sa Gensan kon covid 19 free hangtud karong panahona apan mas gipahugtan ang pagpatuman sa preventive measures sumala sa kamanduan Ni Gensan City Mayor Ronnel Rivera alang sa curfew, pagpasirado sa pipila ka mga business establishments ilabina internet cafe, cinema, apil na ang recreational area susama sa queen tuna park ug oval plaza.
Strikto usab nga dili pasudlon sa mga mall ug grocery stores ang mga minor de edad, buntis ug mga senior citizens aron makalikay sa covid 19. Samtang wala nay byahe ang mga buses Gensan to Davao susama sa Yellow Bus, ug Mindanao star , ang husky bus didto na lamang kutob sa Maguindanao ug dili na molahos sa Cotabato City tungod sa lockdown nga gipatuman sa maong syudad tungod usab sa nagpositibo sa covid 19. Samtang naa pay byahe ang Gensan to maitum Sarangani sa YBL ug padulong sa South cotabato. Gipapirma lamang ug mga locators slip or travel history forms ang mga tawo nga pasahero pasulod ug pagawas sa Gensan.
Samtang mas gipahugtan ang mga checkpoints sa mga entry ug exit points sa syudad sa Gensan karong panahona. Wala pay kumpirmadong kaso sa covid 19 ang Gensan apan aduna kini usa (1) PUI kon Person under monitoring. Tataw usab nga migamay ang ihap sa mga nagabyahe nga mga trisekel ug milticabs sa sentro sa syudad karong panahona. Klaro nga adunay panic buying sa mga basic commodities susama sa bugas, de lata ug gatas ug uban pa apan dili kabalak an matud pa nga mahutdan ug supply ilabina pagkaon tungod abri ang mga grocery stores ug supermarket ug mismo sa merkado publiko sa Gensan.
Tungod sa social distancing minihit ang pasahero ug limitado lamang ang pasahero sa mga jeep ug multicab hinungdan nga lugi ang mga driver ug operators maong mihangyo kini sa gobyerno ilabina sa ltfrb nga temporaryong pausbawan ang plitihan sumala pa ni Mr. Orly Sabilita sa transport coop.
Apan wala pay klarong tubag niini ang mga labawng opisyal sa Ltfrb region 12. Samtang gatuyok si Mayor Rivera panahon sa gabii sa pagsiguro nga napatuman ang curfew ug ang nadakpan gidala sa Lagao gym ug gipailawom sa orientation sa ilang kalapasan sa kamanduan sa LGU batok covid 19.(Ronel Degorio)