- Advertisement -
Patuloy na tumataas ang bilang ng kumpirmadong kaso ng coronavirus disease ( COVID-19) sa Somalia.
Ito’y makaraang ibunyag ng isang health official na halos 500 katao na ang tinamaan ng COVID-19 sa kanilang bansa.
Gayunman, nababahala si Dr. Abdirizak Yusuf Ahmed na baka tumaas pa ang bilang na ito dahil ang mga symptomatic na pasyente pa lamang ang naisasalang sa virus testing.
Isiniwalat din ng United Nations na walang organisadong sistema sa Somalia kaya’t hindi naitatala nang maayos ng mga ospital at health facilities ang mga kaso ng COVID-19 sa naturang bansa
- Advertisement -
