Gikalipay ni Mayor Oscar Moreno ang taas nga pagkunhod sa mga bag-ong kaso sa Covid-19 dinhi sa rehiyon.
Kini human gitaho ni Mayor Moreno niadtong Sabado nga anaa na lang sa 270 ka mga bag-ong kaso ang natala niadtong Septiyembre 24.
Ang maong ihap mas ubos kung itandi sa sobra usa ka libo nga average daily cases sa Region 10 niadtong bulan sa Agosto, diin adunay ‘surge’ o pagsaka sa mga kaso nga nasinatian ang tibook rehiyon.
Positibo si Mayor Moreno nga mahimo man sa katawhan ang pagsumpo sa virus, ilabina ang pagpaundang niini pinaagi sa pagtinabangay sa tanan, ug pagbantay kanunay sa matag usa aron dili matakdan sa virus.
Sa latest report sa Department of Health 10, moabot na sa 75,619 ka mga kompirmadong kaso sa Covid-19 ang natala gikan sa syudad sa Cagayan de Oro ug Iligan, ug probinsya sa Bukidnon, Camiguin, Lanao del Norte, Misamis Occidental ug Misamis Oriental.
(Source: City Hall Press Briefing)