COVID-19 cases sa kongreso patuloy na nadadagdagan

Lumobo na sa 62 ang kaso ng COVID-19 sa kongreso.

Ito’y makaraang dapuan ng virus ang dalawang kawani nito mula sa engineering department.

Ayon kay House Secretary-General Atty. Jose Montales, pawang close contacts ang mga ito ng nauna nang nagpositibo sa COVID-19 sa kanilang tanggapan.

Nabatid na huling nag-report sa trabaho ang dalawa noong August 24 at 25.

Kasunod nito agad na ipinag-utos ang pagsasagawa ng contact tracing para sa mga nakasalamuha ng mga panibagong nagpositibo sa virus.