Nadagdagan pa ng halos 3,000 ang kaso ng coronavirus disease 2019 (COVID-19) sa Pilipinas.
Batay sa pinakahuling datos ng Department of Health (DOH), tinatayang nasa 2,965 ang nadagdag na kaso ng COVID-19 dahilan naman para pumalo sa 197,164 ang total infections sa bansa.
Naitala naman ang pinakamaraming bagong kaso ng COVID-19 sa mga sumusunod na lugar:
- National Capital Region (1,575)
- Negros Occidental (237)
- Laguna (151)
- Cavite (129)
- Batangas (95)
Samantala, umakyat naman sa 132,396 ang gumaling sa COVID-19 sa bansa matapos na makapagtala ng panibagong 368 na kaso ng paggaling.
Sa kasamaang palad, nasawi naman ang 34 pang katao dahilan para sumampa ang death toll ng COVID-19 sa 3,038.
JUST IN: Kaso ng COVID-19 sa bansa, nadagdagan pa ng 2,965 ngayong Martes, Agosto 25.
Pumalo na sa kabuuang 197,164 ang bilang ng kumpirmadong kaso ng COVID-19 sa bansa. Mayroon namang 61,730 naitalang active cases. | https://t.co/HHOy7zaafm pic.twitter.com/eFBrICgGp1
— DWIZ Newscenter (@dwiz882) August 25, 2020