Davao De Oro – wa makalingkawas sa gikalisangang sakit nga Coronavirus Disease 2019 ( Covid-19 ) si Davao De Oro 1st District Representative Congressman Manuel “ Way Kurat” Zamora sanglit nagpositibo kini sa kagaw, huwebes sa Buntag, Enero 21, 2021.
Kini nasayran human nagpaguwa sa iyang opisyal nga pamahayag ang mismong Congressman kinsa nagbutyag nga siya nagpositibo sa Covid-19 apan , sumala pa niini nga siya naka-Quarantine sukad pa niadtong Enero 17, 2021 .
Dugang gipamahayag ni Cong. Zamora nga samtang siya naka- self Isolate , kumpleto siya sa mga tambal og padayon ang komunikasyon sa iyang Doctor.
Naghangyo ang Congressman sa mga tawo nga adunay Close Contact kaniya nga magself- Quarantine og motaho sa opisina sa Local Health aron nga mamonitor ang kahimtang sa panglawas.
Gipaniguro sa Congressman nga luyo sa nasinating sakit padayon kining moserbisyo sa katawhan og ang iyang opisina sa Congressional padayong abli alang sa mga tawo nga nanginahanglan sa tabang og serbisyo…..OiC Michael Manguhig RPN Dxkt Davao
