Dili gajud malimod ang gugma nan ato Congressman para sa mga Surigaonon kay jauy na sab dugang na tabang para sa ato.
Sa ija pagpadajon sa ija mga plataporma sanan proyekto, P3 Million ka pesos ang tag allocate sa ato Cong. Robert Ace S. Barbers para sa Medical Assistance Fund sanan P522,000 para sab sa Assistance for Individuals in Crisis Situations (AICS) para sa siyudad ng Surigao.
Adtun niagi na adlaw, nagkatibo sa opisina ni Mayor Pablo Yves L. Dumlao II ang Malasakit Center Operations Manager Lou Francis P. Solana nan Caraga Regional Hospital, City Budget Officer Atty. Jeffrey Galido, sanan CSWD Officer Lenie S. Liray kun diin nahisgutan nila ang allocation para sa Medical Assistance for Indigent Patients (MAIP) sanan AICS.
Nagpamatood gajud na ang gobyerno nato, waya makalimot sa ila mga saad sanan andam na mutabang, hamok pa na mga programa ang ihatag sanan planuhan nan ato Lokal na Panggamhanan sa Siyudad, lakip ang Probinsya na tagpangunahan ni Gov. Lyndon Barbers.
Ini na tabang gikan sa ato Cong. Barbers, sugod pa lamang sanan daghan pa ang i-allocate na pundo dili ra para sa tabang medikal, kundi pati sa edukasyon, sports, turismo, ug uban pa. Salamat karajaw, CONG. ACE Barbers!
(Source: Surigao City PIO Facebook page)