Zamboanga del Sur – Gisugdan na ug trabaho ang dalan sa sentro sa Barangay Dalaon padulong sa Purok Suhi sa susamang barangay aron kini pagsementohon. Ang pondo sa maong proyekto gikan sa panudlanan sa Probinsya sa Zamboanga del Sur nga gidumala ni Hon. Governor Victor J. Yu ug DS Congresswoman Divina Grace C. Yu basi sa pagpaningkamot ni Hon. Mayor Cyril Reo A. Glepa.
Gikalipay kinig dako sa mga lumolopyo sa maong barangay kay kon ugaling ma kompleto na ang maong proyekto hamugaway na ang ilang pag agi. Dili lang ang mga lumolopyo ug mag uuma sa maong barangay apil na ang silingang barangay nga sakop sa lungsod sa Tambulig.
Ug tungod niini mas mapadali na sa mga mag uuma ang paghatod sa ilang mga produkto sa Poblacion kon ugaling ilang ipang baligya kini. Gumikan pod sa maong proyekto mabati na sa katawhan nga aduna diay gobyerno nga nagpakabana aron mapasayon ang ilang pag agi ug paghatog sa ilang mga produkto nga hamugaway ug walay kabalaka. (Igmat Molave, photo courtesy by Moloy Glepa)