Dugang ₱ 2.1 milyones indemnification cash assistance ang gi-released sa syudad ubos sa administrasyon ni Mayor Oscar Moreno alang sa apektadong mga backyard hog raisers gikan sa 14 ka mga barangay nga naigo sa African Swine Fever (ASF).
Sa kasamtangan mokabat na sa ₱ 6,988,000.00 million ang na-released sa syudad.
Gipasabot usab ni Acting City Veterinarian Dr. Lucien Anthony Acac nga giproseso pa ang cash assistance alang sa pipila ka mga barangay nga adunay bag-ong kaso sa ASF.
Sa inisyal nga record sa City Vet ug APO, 1,000 na ka mga backyard hog raisers sa syudad ang naapektuhan.
Ang mga apektadong farmers makadawat og P2K indemnification cash assistance sa syudad per head sa baboy nga ma-culling.
Makadawat usab sila og P5K nga cash assistance gikan sa Department of Agriculture (DA).
(City Veterinary Office-CdeO)