Composite Team Sa R9 COVID-19 Special Task Force Mikurtesiya Ni Mayor Uy

Mikurtesiya ngadto ni Mayor Darel Dexter T. Uy ang Composite Team sa COVID-19 Special Task Force sa Rehiyon 9 kaganinang buntag, Oktubre 5 ning tuiga.

Ang Composite Team gilangkuban sa nagkalain-laing ahensiya sa gobyerno sama sa DOH (Department of Health), DSWD (Department of Social Welfare and Development), DILG (Department of the Interior and Local Government), TESDA (Technical Education Skills and Development Authority), OCD (Office of the Civil Defense) ug PNP (Philippine National Police).

Sumala ni Dr. Jane Jaug, ang Development Management Officer sa Provincial Field Office-DOH, ang Composite Team mohimo sa monitoring ug assessment sa mga munisipalidad ug sa duha ka dakbayan sa Dipolog ug Dapitan. Ang matag ahensiya dunay managlahing tahas dinha sa pagahimuong aktibidad. Dugang pa niini, nga kini isip pagtabang usab sa mga Local Government Units (LGU) nga mapugngan ang paspas nga pagkaylap sa virus sa COVID-19. Lakip usab sa paga lantawon sa nahisgutan nga team mao ang mga kakulangon sa mga LGU sama sa pagbutang og COVID-19 center, mga hinungdan nga wala pa naabot og 100% ang vaccination ug uban pa.

Mainitong gi-abi-abi ni Mayor Uy ang mga bisita gikan sa Rehiyonal nga buhatan og gi-ubanan pa kini niya samtang nagpahigayon sa monitoring ug assessment sa pipila ka dibisyon sa buhatan sa mayor. (City Information Office)