Usa ka completion ceremony kun graduation sa community based drug rehabilitation program ang natigayon sa Hayanggabon Training Center, Hayanggabon, Claver probinsiya sa Surigao Del Norte. Kini gipahinungud ngadto sa 25 ka mga reformers / achievers nga mi-undergo sa duha ka tuig nga community based drug rehabilitation program sumala pa sa nasangpit nga kanhing kapitan nga si Kap. Boboy Placencia.
Human sa iyang termino sa pagka-kapitan niadtong tuig 2016, gipadayon kini sa iyang asawa nga si Kap. Tresa Pantilo Placencia. Uban kini sa pagpaningkamot ug panabang ni Dr. Chrismar Mocorro ang community physician.
Kini natigayon pinaagi na sa mga assessment nga gipahigayon ngadto sa mga reformers. Dugang pa sa nasangpit nga kapitan nga dili lang karon ang rehabilitation program ipahigayon kun dili hangtod sa hangtod na kini. Mipaabot usab siya sa iyang pasalamat ni Dr. Chrismar sa 100 porsyentong pag-tabang niini.