City PNP Nag-Report Na 30 Na Sa 54 Ka Barangay Sa Ciudad An Cleared Na Sa Ilegal Na Droga

Atol sa meeting nan Surigao City Peace and Order Council, tag-report nan Surigao City Police Station pinaagi na kan PCapt. Alex Luna, an operations officer, na jaon na sa may 30 sa 54 ka mga barangays sa ciudad nan Surigao an na-deklarar na nga drug-cleared, basi na ini sa pinaka-ulahi na koordinasyon sa Philippine Drug Enforcement Agency (PDEA) Caraga Regional office.

Hinuon tag-paklaro ni Pcat. Luna na waya pa mahuman dinhi an trabaho sa tinguha na hingpit an tanan 54 ka mga barangay sa ciudad nan Surigao an ma-deklara na drug cleared.

Otro isab na tag-awhagan nan ini an mga barangay officials sa pag-hatag nan suporta sa kampanya kontra sa ilegal na droga na matud pa hinay-hinay na nga nakontrola