Kinompirmar ni Alcalde Madel Yorobe Alfelor kan cuidad nin Iriga na on going na ngunian an pagpapatindog kan Level 1 city hospital kan cuidad nin Iriga asin kasabay an amusement park na anas ng naging kontrobersyal kan nagtalikod na mga aldaw.
Sa sarong tarpaulin na nakabitay sa sentro kan Iriga, sinabi kan Alcalde na an hospital ini pinondohan ni Sen. Leila de lima na sarong propyong taga Iriga asin an amusement park, ini sa paagui kan inutang na 175 milyones pesos hali sa DBP.
Inot naman na pinagsabi kan alcalde na pinagsabay niyang ipagibo an nasabing mga proyekto tanganing maiaandam an gagastuson kan city hospital na kukuanon man sana sa amusement park na daradakulang kantidad an makukua.
Dai naman sinabi kan alcalde an isyu dapit sa injunction asin TRO na pinag-file kan duwang konsejal kan Iriga asin sarong abogado na mina-ulang sa nasabing proyekto na an gusto kan mga ini iyo na inuton nguna an city hospital kaysa sa amusement park sa cuidad. (Melvin Barayoga, RPN DZKI Iriga OIC)
(Source: LGU Iriga, photo courtesy of Mayor Madel Alfelor Facebook page)