CAGAYAN DE ORO CITY- Ang gilagdaang kasabutan kagahapon sa hapon tali sa Cagayan de Oro City Hall ug Maria Reyna Xavier University Hospital nagpamatuod lamang sa usa ka lig-on ug mabungahon nga partnership ilabi na sa panahon sa krisis, matud pa ni Mayor Oscar Moreno.
Kagahapon milagda sa kasabutan ang duruha nga nag-apil na sa pag-alokar sa City Hall sa tunga sa milyon ka pesos nga kantidad sa mga testing kits, personal protection equipment ug uban pang gamit sa MRXUH bugti sa pagpahigayon sa maong tambalanan sa reverse transcription-polymerase chain reaction tests nga libre alang sa mga indigent symptomatic/asymptomatic patients nga adunay moderate ngadto na sa severe COVID-19 symptoms.
Ang mga pasyente i-refer sa City Hall ngadto na sa MRXUH. Ang singko mil pesos nga discounted rate alang niini nga tests adto pagakuhaon sa gialokar sa city hall alang sa Maria Reyna nga gi-classify isip “reservation deposit”.
Gisugilon ni Dr. Ian Gonzales, chief of the Infectious Diseases cluster sa Department of Health nagsugilon nga ang maong kamanduan, usa ka perfect example sa Public Private Partnership diin gibutyag usab sa pikas buhi ni XU President Fr. Roberto Yap nga ang lab project mao ang nakapadayon sa mandato sa XU nga makaserbisyo sa katawhan ilabi na niining panahon sa krisis.