CAGAYAN DE ORO CITY- Nag-awhag si Cong. Rufus Rodriguez sa ikaduhang distrito sa Cagayan de Oro ngadto sa Department of Public Works and Highways ug sa Department of Health sa pag-andam na alang sa building sa quarantine facilities sa matag rehiyon. Matud niya ang DPWH kinahanglan mag andam na sa plano alang sa konstruksyon sa mga facilidad samtang ang DOH kinahanglan mosugod na sa pag-train sa mga personahe aron sa pagdumala sa quarantine centers.
Sa naobserbahan ni Cong. Rodriguez, ang isolation and treatment facilities nakaconcentrate lamang sa Metro Manila. Tungod kay namatikdan ang cases sa Covid-19 sa mga probinsya, nagtuo ang kongresista nga gikinahanglan gayod ang mga quarantine facilities sa rehiyon nga nag-apil na sa Cagayan de Oro nga nagkadaghan ang mga pasyente sa Covid-19.
Gibutyag usab ni Cong. Rodriguez nga suportado niya ang baladnon nga gipangamahan ni Deputy Speaker Luis Raymund Villanfuerte nga mao ang Mandatory Quarantine Facilities Act of 2020.