Nagpahindom karon ang City Director sa Cebu City Police Office (CCPO) nga si Police Colonel Ireneo Dalogdog ngadto sa iyang mga sakop nga adunay kapaingnan kung mulambigit og illegal nga kalihukan.
Kini human sa pagkasikop sa Police Traffic Investigator sa Mambaling Police Station nga nangilkil sa dinakpan nila nga motorista atol sa checkpoint didto sa Atillos Street, Barangay Mambaling, niadtong Enero 25,2023.
Ang nasikop giila nga si Police Staff Sergeant Dennis Paul Traya, 40 anyos ang panuigon.
Si Traya gipasanginlan nga nangayo og P1,500 sa motorista aron mapagawas ang motorsiklo niini nga naa sa ilang buhatan.
Matud pa ni Colonel Dalogdog nga dili nila e tolerate ang ingon ana nga binuhatan labi na sa paglambigit niini sa illegal nga binuhatan.
Dugang sa Director nga kabahin sa ilang internal cleansing program ang pagpahamtang og silot sa nalambigit og illegal nga binuhatan. (Renante Lada, photo credits to the owner)