Hingpit na tagpasabot ni Konsehal Atty. Jex Bayana na an hinungdan sa pagpabilin nan mga restrictions, iban pati na an checkpoint sa borders nan ciudad. Ini para sa tinguha na padajon paglikay na maotro an kalit sanan paspas na pagkuyanap nan infection sa corona virus kun diin matud pa lisod para sa ciudad Surigao tungod kay limitado ra karajaw an kapasidad sa sistema sa maayong panglawas.
Gani, laong ni Atty. Bayana na base sa records, mas taas an porsiento sa mga nangamatay sa CoViD-19 dinhi sa ciudad Surigao na jaon sa may halos 13% kumpara sa Butuan City na kapin ra sa 3%. Hinuon, tagsulti ni Atty. Bayana na an tagkinahanglan na ikwarantina human sa pagsuyod sa border nan ciudad jadton mga gikan sa lain probinsia, gawas sa mga TAGKILAYA NA MGA APOR/ Authorized Persons Outside Residence.
(Jhino Parrucho, Ronda 10, RPN DXKS Surigao)