LARAW sa administrasyon ni Mayor Rolando “Klarex” Uy nga mahimong “Green School” ang tukoro’ng Cagayan de Oro City College sa Brgy Dansolihon ning syudad.
Gani man, gitun-an na sa technical working group (TWG) sa city college nga mahimo usab kining “sustainable” o magmalungtaron sa tinguha nga mas mapanalipdan usab ang kinaiyahan ilabina sa maong proyekto.
Gimando usab ni Mayor Klarex nga magpabilin ang natural landscape lakip mga gagmay’ng sapa palibot sa 60 ektaryang luna alang sanglit nagtuo ang mayor nga dako kini og ikatabang sa pagtuon sa mga estudyante nga motungha sa city college.
Kahinumdoman nga gidonar sa tribal communities sa Brgy Dansolihon ang 60 ektaryang luna alang sa katukoran niini tungod kay tumong ni Mayor Klarex nga dili mahimong kompetisyon ang city college sa mga pribadong kolehiyo ug universities dinhi ning syudad.
News and photo courtesy of CIO CDO