MOKABAT sa 3,000 ka mga city scholars ang misalmot sa “Panagtigum: Iskolar sa Dakbayan General Assembly”, bag-ohay lamang diha sa Capitol University Gymnasium.
Atol sa kalihokan, nagpasundayag ang pipila ka city scholars sa ilang mga talento pinaagi sa song and dance performances ug gipahigayun ang pipila ka kalingawan pinaagi sa mga dula.
Nanumpa usab ang mga bag-ong napili isip school-based officers ug gipasidunggan ang mga mananaug sa E-sports.
Ang kalihokan gitambongan ni City Consultant for Education Aimee Marcos – Bernedo, City Administrator Atty.Roy Hilario Raagas kinsa mirepresentar ni Mayor Klarex Uy, Committee on Education Chairperson Councilor Suzette Magtajas-Daba ug uban pa.
Kini natapos pinaagi sa unity dance ug music fest. Ang Panagtigum: Iskolar sa Dakbayan General Assembly gipahigayun sa City Scholarships Office ubos ni CSO Head Richel Petalcurin-Dahay sa tumong nga mahingusgan ang relasyon sa matag city scholar ug siyudad.
News and photo courtesy of CIO CDO