Ya aresta con un persona maga operativa del Criminal Investigation and Detection Group (CIDG) durante el campanya del Oplan Mega Shopper na Margosatubig, Zamboanga del Sur.
El Oplan Mega Shopper amo un campanya del CIDG contra con maga personas ta bende maga contrabando y maga paltik producto.
Si Tiniente Coronel Rex Perocho, el hefe del CIDG na provincia del Zamboanga del Sur, ya nombra con el arestao persona como Anacelyn Paalisbo, cuarenta’y tres años el edad.
Aegun con Perocho cay con Paalisbo ya aresta maga alas onse cuarenta’y sinco del Lunes denoche na Purok Water Lili, Barangay Poblacion, Margosatubig, Zamboanga del Sur.
Asegun con Perocho ya confisca na posesion de Paalisbo cuatro cahon y deci-nueve rims de smuggled cigarillo que tiene el estimao valor de sesenta’y tres mil nueve sientos sincuenta pesos. (B Garcia, photo courtesy of CIDG- IX)