Un persona ya muri y otro ya iri na un incidente de tiro del Lunes aga na Barangay Lumbia, municipio del Ipil, provincia de Zamboanga Sibugay.
Asegun con Coronel Eduard Mallo, del director del pulisiya na Zamboanga Sibugay, cay con el muerto ya conose como si Diosdado Andilab, sesenta años el edad.
Asegun con Mallo cay si Andilab ya muri despues que ya sustene le irida de bala na su cabesa.
Base na investigacion cay antes del incidente, si Andilab ya anda na casa de Maximo Layan, cuarenta’y sinco años el edad, na Barangay Lumbia y ya tene sila un caliente discusion.
Amediante del de ila caliente argumento, ya aranca su calibre treynta’y ocho revolver si Andilab y ya tira con Layan, con quien ya tupa el tiro na detras.
Asegun con Mallo cay maskin irido si Layan, ya puede pa este rebata con el revolver y ya tira na cabesa con Andilab que ya causa su muerte.
Si Layan admitido na hospital myentras con el resto de Andilab ya entrega con su familya.
Maga pulis ya recubri con el calibre treynta’y ocho revolver de Andilab con tres bala y tres capsula na lugar del crimen. (B. Garcia)