31.9 C
Manila
Thursday, March 28, 2024

CIDG Mipahigayon Ug Oplan Pagtutugis

- Advertisement -

Subay sa CIDG flagship project na Oplan Pagtutugis, naaresto nan PNP CIDG-SDN an duha ka mga wanted persons sa managkalahi na operasyon. Una an sa may alas 4:15 an takna kapin sa hapon nan jadton Abril  26, 2019 didto sa Purok-3, Brgy. San Juan, naaresto an is aka Mike Mesa alyas Nejodne, 18 anyos, ulitawo, construction worker sanan residente sa susamang barangay ubos na sa gahum sa alias warrant of arrest sa kasong pag-pangawat kun robbery with violence of intimidation of persons nga nahi-dokit ubos sa criminal case no.13166 na tag-isyu ni Hon. Jacinto Elle, presiding judge sa RTC-10th judicial region siyudad nan Surigao pinetsahan Abril 23, 2019. Ini jaoy tag-rekomendar na Php 100,000.00 na piyansa sa temporary na kagawasan nan akusado.

Sa pareho ra isab na adlaw sa may alas 5:45 kapin an takna sa hapon, naaresto ra isab sa may Brgy. Lipata si Rondo Hadji, 56 anyos, minyo, isa ka mangingisda sanan residente sa Purok-7, Brgy. Lipata sa susamang barangay ubos sa gahum nan warrant of arrest sa kasong pag-lapas sa Sec. 5B nan R.A. 7610 kun an child abuse law na tag-isyu isab ni Hon. Jacinto Elle na may tag-rekomendar na Php 180,000 na piyansa.

An pag pan-aresto pinangunahan ni PLt. Rey Gallego iban na sa  mga CIDG detectives. Kasamtangan jaon  sa kustodiya nan PNP CIDG-SDN an duha ka mga naaresto na akusado.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -