Posibleng parusahan ang Chinese contractor ng Chico River Pump Irrigation Project sa Kalinga.
Ito ayon kay DOLE – Cordillera Regional Director Exequiel Ronie Guzman ay sakaling mabigong ibigay ang mga requirements o kinakailangang dokumento na hinihingi nila kasama na ang profile ng kanilang mga empleyado, bago simulan ang nasabing proyekto.
Sinabi ni Guzman na inamin ng Chinese contractor na walang alien employment permit at wala ring naipakitang construction and safety health program.
Ayon pa kay Guzman, bigo rin ang contractor na ipakita ang corresponding pick up license o ang special license ng foreign companies na nakikipag kontrata sa DPWH.
Ang kawalan aniya ng mga naturang dokumento ay malaking paglabag sa batas kayat magpapalabas sila ng stoppage order sa nasabing proyekto.