Mitabang dayon ang Cebu City Disaster Risk Reduction and Management Office (CCDRRMO) sa mga residente ug mga tawo nga naipit sa baha sa downtown Cebu City sa gabii sa Hulyo 22 tungod sa padayon nga kusog nga ulan.
Sugod alas-6:00 sa gabii, gipadala ang rescue team sa CCDRRMO ug miabot sa lugar mga alas-6:20 sa gabii. Pag-abot sa alas-8:00 sa gabii, nagpadayon sila sa pagtabang sa mga na-stranded gikan sa dapit sa Cebu Technological University (CTU) hangtod sa Manalili Street.
Naigo sa baha ang pipila ka mga balay ug establisemento sa downtown, busa gigamit sa CCDRRMO ang ilang rescue truck nga adunay codename nga “BAKA” aron luwas nga matabangan ang mga apektadong tawo samtang nagkataas ang tubig.
Padayon usab nga gibantayan sa Cebu City Government ang kahimtang sa panahon ug ang mga lugar nga dali mabahaan. Giawhag ang publiko nga magmatngon, likayan ang pag-agi sa mga dalan nga gibahaan, ug dayong mangayo og tabang pinaagi sa emergency hotlines sa siyudad kung gikinahanglan.
I via Renante Socia Lada