Manghatag ang Department of Social Welfare and Development (DSWD) og ayuda pinaagi sa UPLIFT (Unconditional Assistance for Immediate and Lasting Transformation) ngadto sa 3,781 ka kwalipikadong benepisyaryo sa Cebu City karong Hulyo 23, 2026 sa SM Seaside City Cebu.
Ang pagpanghatag sa ayuda himuon sulod sa usa ka adlaw uban sa tabang sa Cebu City Department of Social Welfare and Services (DSWS) aron mas organisado ug hapsay ang proseso.
Ang mga benepisyaryo gikan sa 32 ka barangay sa habagatang bahin sa siyudad, nga adunay 2,491 ka tawo, modawat sa ilang ayuda sa Cube Wing. Samtang ang 1,290 ka benepisyaryo gikan sa 45 ka barangay sa amihanang bahin sa Cebu City moadto sa City Wing, sumala sa ilang gitakdang iskedyul.
Gipahinumdoman sa DSWD ang tanang benepisyaryo nga sundon ang ilang iskedyul aron malikayan ang daghang tawo ug paglangan sa pagpanghatag sa ayuda. Kinahanglan usab silang magdala og balidong government ID ug uban pang gikinahanglang dokumento alang sa beripikasyon.
Sumala sa DSWD, ang UPLIFT usa ka programa nga naghatag dayong tabang pinansyal sa mga kwalipikadong Pilipino aron matabangan silang makabangon gikan sa kalisod ug masuportahan ang ilang pamilya.
I via Renante Socia Lada