Gidakop sa mga operatiba sa Cebu Provincial Cyber Response Team ang usa ka 56-anyos nga babaye nga gitawag og alyas “Angel” tungod sa kaso sa online libel atol sa operasyon niadtong Oktubre 6, 2025, mga alas-1:50 sa hapon.
Ang pagdakop gibase sa warrant of arrest nga giluwatan batok kaniya alang sa paglapas sa Section 4(c)4 (Libel) sa RA 10175 o Cybercrime Prevention Act of 2012, nga adunay piyansa nga ₱48,000.00.
Si Brigadier General Bernard R. Yang, Acting Director sa PNP Anti-Cybercrime Group, mipasidungog sa mga personahe nga nalambigit sa operasyon ug sa ilang padayon nga paningkamot batok sa mga cybercriminal.
“This arrest underscores our continued resolve to bring cybercriminals to justice,” matod pa ni Yang, samtang iyang gihangyo ang publiko nga magmatngon sa ilang online nga mga lihok ug dayon nga ipahibalo sa mga awtoridad kung adunay masuspetsahang kalihokan.
Source: ACG
I via Renante Socia Lada