Nasikop sa kapulisan sa Daanbantayan Municipal Police Station ang usa ka wanted person nga gipasanginlan sa kaso nga homicide atol sa operasyon sayo sa buntag niadtong miagung mga adlaw sa lungsod sa Daanbantayan, Cebu.
Ang nadakpan usa ka 23-anyos nga lalaki, ulitawo ug residente sa maong lugar. Siya adunay warrant of arrest tungod sa kasong homicide ug adunay girekomendar nga piyansa nga nagkantidad og ₱120,000.
Human sa pagdakop, gipahibalo dayon sa suspek ang iyang mga katungod sumala sa balaod. Karon, anaa na siya sa kustodiya sa Daanbantayan Municipal Police Station samtang gihulat ang hustong proseso ug turnover ngadto sa korte nga nagpagawas sa warrant.
Matud sa Cebu Police Provincial Office, kabahin kini sa ilang gipakusog nga kampanya batok sa mga wanted person aron mapalig-on ang pagpatuman sa balaod ug masiguro nga madakpan dayon ang mga adunay pending nga warrant of arrest.
Gidayeg usab ni PCOL Abubakar Udang Mangelen Jr. ang mga pulis nga mibuhat sa operasyon. Matud niya, padayon ang Cebu PPO sa pagpaningkamot aron masiguro nga mahatagan og hustisya ang mga kaso ug walay wanted person nga makatakas sa balaod.
📸 CPPO
I via Renante Socia Lada