Nadakpan sa Tracker Team sa Philippine National Police – San Fernando Municipal Police Station ang usa ka wanted person nga gipasanginlan og unom ka kaso sa paglapas sa Republic Act No. 9262 niadtong Marso 12, 2026 sa Barangay South Poblacion, San Fernando, Cebu.
Ang nadakpan giila sa alyas “Nold,” 55 anyos, minyo ug walay trabaho, nga residente usab sa maong barangay.
Gidakop siya pinaagi sa warrant of arrest nga gi-isyu sa Family Court, Branch 11, Carcar City ubos sa 7th Judicial Region. Ang korte nagtakda og ₱292,000 nga piyansa alang sa iyang temporaryong kagawasan.
Gidayeg ni PCOL. Abubakar Udang Mangelen Jr., Provincial Director sa Cebu Police Provincial Office, ang Tracker Team sa malampusong pagdakop sa suspek.
Matod niya, padayon ang paningkamot sa kapulisan sa pagpanalipod sa kababayen-an ug kabataan ug sa pagdakop sa mga tawo nga adunay mga kasong kriminal aron mapadayon ang kalinaw ug kaluwasan sa probinsya sa Cebu.
Nag-awhag usab ang Cebu Police Provincial Office sa publiko nga motabang sa pagreport sa mga indibidwal nga adunay pending nga kaso aron mapalig-on pa ang hustisya ug seguridad sa komunidad.
Source: CPPO
I via Renante Socia Lada
#rpndykccebu