Nahimong kontrobersiyal ang 7 ka mga pulis human ang usa ka lalaki nga mao si Jagger Campania, tinun-an sa Criminology, nidangop sa programa sa Radyo ni Senador Raffy Tulfo.
Matud pa gisulod kini sa ilang pinuy-anan niadtong Abril 18, 2023, pasado alas 11:00 sa kagabhi-on, didto sa Purok Molave 9, Barangay Tayud, Lungsod sa Liloan, Probinsya sa Sugbo, nga walay search warrant og nangulata pa kini.
Nasayran nga ang 7 ka mga pulis adunay gipangita nga usa ka ginganlan og Odot nga wala didto atong higayuna.
Matud ni Police LT.Col. Mark Gifter Sucalit, Cebu Police Provincial Office, Deputy Director for Operation, nga ang maong mga police lakip ang hepe sa Liloan Police Station na mao si Police Major Welther Grapa gibutang sa Police Holding and Accounting Unit (PHAU).
Dugang ni Sucalit nga gihimo na ang karon ang imbestigasyon may labot sa maong panghitabo.
(Renante Lada, photo credits to the owner)