Gipadayag ni Vice President Sara Duterte ang iyang pag-ila sa kasakit ug kaguol sa mga biktima sa kalamidad sa Bagyong Tino nga mikutlo og daghang kinabuhi ug ni guba sa mga kabtangan.
Gipunting usab sa Bise Presidente nga ang maong trahedya dapat mahimong pahimangno sa tanang lebel sa gobyerno — gikan sa barangay hangtod sa probinsya — aron mapalig-on ang disaster preparedness ug response system sa nasud.
Sa iyang pagbisita sa Cebu, nagpadayag usab siya sa pakig-uban sa mga Sugboanon, ilabina human sa sunod-sunod nga kalamidad nga miigo sa probinsya.
Bisan pa niini, nag-awhag si Duterte sa katawhan nga magpabilin sa pagtuo ug paglaom, samtang gipangitaan sa gobyerno ang mas lig-on nga pamaagi sa pag-atubang sa mga kalamidad.
Si Vice President Sara Duterte anaa sa Cebu karon alang sa duha ka adlaw nga pagbisita aron makigkita sa mga biktima sa bagyo ug masuta ang kahimtang sa mga apektadong lugar.
I via Renante Socia Lada