Ang National Grid Corporation of the Philippines (NGCP) magpatuman na usab og Red Alert sa Visayas power grid karong Agosto 26, 2026, gikan alas-3 sa hapon hangtod alas-9 sa gabii.
Adunay Yellow Alert gikan alas-2 hangtod alas-3 sa hapon ug alas-9 hangtod alas-10 sa gabii.
Base sa update alas-8 sa buntag, 2,324 megawatts (MW) ang available nga kapasidad sa kuryente, apan moabot sa 2,550 MW ang gipaabot nga peak demand.
Anaa usab 901 MW nga kapasidad nga dili magamit sa grid tungod sa mga planta nga naka-forced outage ug ubang planta nga nag-operate sa ubos nga kapasidad.
Lakip sa mga hinungdan sa Red ug Yellow Alert ang dili pag-operate sa dagkong coal plants nga TVI 1, TVI 2 ug KSPC 1. Limitado usab ang power import gikan sa Mindanao tungod sa taas nga gipaabot nga demand didto ug sa planned outage sa TSI 1.
Sumala sa NGCP, ang Red Alert ipagawas kung kulang ang suplay sa kuryente aron matubag ang panginahanglan sa mga konsumidor ug kinahanglanon sa transmission grid. Ang Yellow Alert usab ipagawas kung dili igo ang operating margin alang sa contingency requirement sa grid.
📸 NGCP
I via Renante Socia Lada