Gipangita karon sa kapulisan sa Minglanilla ang usa ka ama-ama nga giila sa alyas “Rom” human sa pagkamatay sa iyang 14-anyos nga anak-anak sa Barangay Guindaruhan, Minglanilla, Cebu.
Ang insidente unang gitaho nga posibleng paghikog human nakit-an ang Grade 8 student nga walay kinabuhi sa usa ka daruhan nga duol sa ilang pinuy-anan. Apan migawas ang laing impormasyon human adunay nakakita nga usa ka paryente sa insidente sa wala pa namatay ang bata.
Gisusi sa kapulisan ang tanang ebidensya ug mga pamahayag sa mga saksi aron masuta kung unsa gyud ang nahitabo. Gitan-aw usab sa mga imbestigador ang kahimtang sa lugar diin nakit-an ang biktima.
Giingong ang ama-ama mao ang unang nakakita sa bata ug nangayo og tabang sa mga silingan. Apan sa dihang gihangyo siya sa mga pulis nga mokuyog ngadto sa tambalanan, wala siya mosugot ug mipalayo sa lugar.
Padayon ang hot pursuit operation batok sa maong suspek samtang nagpadayon ang imbestigasyon sa kapulisan. Gipasabot usab sa mga awtoridad nga kinahanglan pa hulaton ang resulta sa imbestigasyon aron matino ang tinuod nga hinungdan sa pagkamatay sa bata ug aduna bay kalabutan ang ama-ama sa kamatayon niini.
I via Renante Socia Lada