Nahulog sa kamot sa kapulisan sa Cebu City Police Office (CCPO) ang nag viral nga mga tulisan nga nanulis sa usa ka Coffee Shop didto sa Salinas Drive, Barangay Lahug, siyudad sa Sugbo, niadtong Oktobre 30, 2023.
Ang suspetsado giila sa kapulisan nga mao Cyrus John Rallos, 31 anyos ang panuigon, driver sa motor, residenti sa Barangay Kamputhaw, siyudad sa Sugbo.
Una nang nitahan sa kapulisan kagahapong adlawa sila si Arvin Benedict Malolot ug Jiovanie Lagahit alyas Banban human ang inahan nakig alayon sa kapulisan sa CCPO.
Sila kadtong nag viral nga nanulis sa usa ka Coffee Shop ug kustomer nga nipalit atong higayuna.
Sa nasayran nga ang mga suspetsado aduna nay kanhi kalambigitan sa pagpanulis niadtong nakalabay na buwan apan nakagawas lang kini kay wala ni kiha ang biktima na babaye. (Renante Lada, photo credits to the owner)
